विश्वकै ध्यान तान्ने टोकियोको पर्यटकीय केन्द्र ओदाइबामा शनिबार समुन्द्री हावासँगै नेपाली पञ्चैबाजाको स्वर गुञ्जायमान भयो । नेपाल र जापानबीचको कूटनीतिक सम्बन्धको ७०औँ वर्षगाँठलाई उत्सवका रूपमा मनाउन सुरु भएको १५औँ 'नेपाल फेस्टिभल'ले टोकियोको मुटुमा नेपाली कला, संस्कृति र स्वादको सुगन्ध छरेको छ । लगातार तीन दिनसम्म चल्ने यस ऐतिहासिक संस्करणको उद्घाटन गर्दै जापानी राज्यमन्त्री नागाई मानाबु र सांसद ज्ञानेन्द्र शाहीले यसलाई दुई देशको मित्रता जोड्ने मजबुत सेतुका रूपमा व्याख्या गरेका हुन् ।

टोकियो - कोरोना महामारीपछि विश्वभर र विशेष गरी जापानमा 'रिमोट वर्क' (घरबाटै गरिने काम) को संस्कृति निकै फस्टाएको छ । कार्यालय जानु नपर्ने र समयको लचकता जस्ता सुविधाहरूले सुरुमा यसलाई निकै फलदायी मानिए पनि, अहिले यसको अर्को अँध्यारो पाटो उजागर हुन थालेको छ । विज्ञहरूका अनुसार, लामो समयसम्म मानिसहरूसँगको भौतिक सम्पर्कबाट टाढिँदा कर्मचारीहरूमा एक्लोपन र गम्भीर डिप्रेसनको जोखिम बढ्दै गएको हो ।