काठमाडौं – नेपाल राष्ट्र बैंकले आज शुक्रबारका लागि सार्वजनिक गरेको वैदेशिक मुद्राको विनिमय दरअनुसार जापानी येनको भाउमा सामान्य सुधार देखिएको छ । पछिल्लो केही दिनयता ओरालो लागेको येनको मूल्य आज केही पैसाले वृद्धि भई प्रति १० इकाइको बिक्री दर ९ रुपैयाँ ५६ पैसा कायम भएको छ ।
राष्ट्र बैंकको पछिल्लो विवरणअनुसार आज १० जापानी येनको खरिद दर ९ रुपैयाँ ५३ पैसा र बिक्री दर ९ रुपैयाँ ५६ पैसा रहेको छ । अघिल्लो दिनको तुलनामा येनको भाउमा प्रति १० इकाइ ४ पैसाको सुधार आएको हो ।
जापानी येनसँगै अमेरिकी डलर र अन्य प्रमुख अन्तर्राष्ट्रिय मुद्राहरूको भाउ पनि आज उकालो लागेको छ । १ अमेरिकी डलरको खरिद दर १५२.९२ रुपैयाँ र बिक्री दर १५३.५२ रुपैयाँ पुगेको छ । आज युरोको बिक्री दर १७७ रुपैयाँ १२ पैसा र खरिद दर १७६.४३ रुपैयाँ कायम भएको छ । पाउन्डको बिक्री दर आज २०५ रुपैयाँ १६ पैसा रहेको छ ।
नेपाली बजारमा उपलब्ध मुद्राहरूमध्ये सबैभन्दा महँगो मानिने कुवेती दिनार पुनः ५०० को विन्दु नजिक पुगेको छ। आज कुवेती दिनारको बिक्री दर ४९९ रुपैयाँ ६६ पैसा कायम भएको छ। अन्य खाडी तथा एसियाली मुद्राहरूको दर यस प्रकार छ:
- कतारी रियाल: ४२ रुपैयाँ ११ पैसा
- युएई दिराम: ४१ रुपैयाँ ८० पैसा
- साउदी रियाल: ४० रुपैयाँ ९० पैसा
- मलेसियन रिंगिट: ३७ रुपैयाँ ७५ पैसा
- बहराइन दिनार: ४०७ रुपैयाँ १३ पैसा
- ओमानी रियाल: ३९८ रुपैयाँ ७३ पैसा
यसैगरी क्यानेडियन डलरको बिक्री दर १०९ रुपैयाँ ८४ पैसा र अस्ट्रेलियन डलरको १०७ रुपैयाँ ३९ पैसा कायम भएको छ । दक्षिण कोरियाली वन १०० को विनिमय दर १० रुपैयाँ ०३ पैसा रहेको छ ।
नेपाल राष्ट्र बैंकले भारतीय रुपैयाँ (भारु) सँगको विनिमय दरलाई भने साविक बमोजिम नै प्रति १०० भारुको खरिद १६०.०० र बिक्री १६०.१५ रुपैयाँमा स्थिर राखेको छ । राष्ट्र बैंकले तोकेको यो दर सन्दर्भ दर मात्र भएकाले खुल्ला बजारमा बैंक तथा वित्तीय संस्थाहरूले तोक्ने विनिमय दरमा भने केही सामान्य अन्तर हुन सक्ने बैंकले स्पष्ट पारेको छ ।
