दुबई (युएई)– गत महिना नेपालमा गएको महाभूकम्पमा परेका पीडितलाई दुबईस्थित नेपालीको सगरमाथा रेष्टुरेण्टले आर्थिक तथा राहतका सामानहरु सहयोग गरेको छ ।
नेपालीको सगरमाथा रेष्टुरेण्टका सञ्चालक ईश्वरप्रसाद उपाध्याय, महेन्द्र पौडेल र हरिश चन्द्रले संयुक्त रुपमा सिन्धुपाल्चोक, नुवाकोट, काभ्रे र धादिङ जिल्लाका १० जना स्टाफलाई नगद १ लाख २० हजार रुपैयाँ र सिन्धुपाल्चोक सेवा समाज युएईका अध्यक्ष विदुर न्यौपानेलाई लगभग २ लाख बराबरको राहतका सामानहरु हस्तान्तरण गर्नुभएको छ ।
विदेशको भूमिमा पनि नेपाली झण्डालाई चिनाउँदै नेपाली तथा विदेशीहरुलाई नेपाली विभिन्न परिकारका खानाहरुको स्वाद पस्कँदै नेपालीहरुको पहिचानलाई उजागर गरेको पाइन्छ । युएईस्थित क्रियाशिल विभिन्न संघ संस्थाहरुसँग सहकार्य गर्र्दै आएको छ भने नेपाली १० जना कामदारलाई समेत रोजगार दिएका छन् ।
