समाचार सुन्नुहोस :
काठमाडौँ – प्रतिनिधिसभा सदस्य निर्वाचनमा मुस्ताङबाट नेपाली कांग्रेसले पहिलो जित हात पारेको छ। कांग्रेसका उम्मेदवार योगेश गौचन थकाली लगातार दोस्रो पटक सो क्षेत्रबाट प्रतिनिधिसभा सदस्यमा निर्वाचित भएका हुन्।
मतगणनाको अन्तिम परिणामअनुसार थकालीले ३ हजार ३०७ मत प्राप्त गरेका छन्। उनका निकटतम प्रतिस्पर्धी नेकपा एमालेका उम्मेदवार इन्द्रधारा विष्टले १ हजार ८०६ मत ल्याएका छन्।
यसैगरी राष्ट्रिय स्वतन्त्र पार्टीका उम्मेदवार अधितीय चन्द्र थकालीले ७५९ मत प्राप्त गरेका छन्। मुस्ताङबाट पुनः विजयी भएसँगै थकाली दोस्रो कार्यकालका लागि प्रतिनिधिसभामा जाने भएका छन्।
