समाचार सुन्नुहोस :
काठमाडौँ – नेपाली बजारमा सोमबार सुनको मूल्य बढेको छ भने चाँदीको मूल्य घटेको छ। आइतबारको तुलनामा आज सुन प्रतितोला ७०० रुपैयाँले बढेको छ भने चाँदी २० रुपैयाँले सस्तो भएको छ।
नेपाल सुन–चाँदी व्यवसायी महासंघका अनुसार आज सुनको मूल्य प्रतितोला २ लाख ५२ हजार ९०० रुपैयाँ पुगेको छ। आइतबार यसै सुनको मूल्य २ लाख ५२ हजार २०० रुपैयाँ थियो।
यस्तै, चाँदीको मूल्य २० रुपैयाँ घटेर प्रतितोला ३ हजार ५८५ रुपैयाँ भएको छ। आइतबार चाँदी प्रतितोला ३ हजार ६०५ रुपैयाँमा कारोबार भएको थियो।
