काठमाडाैं – प्रदेश नम्वर ५ को प्रदेश सभा बैठक प्रमुख प्रतिपक्षी दल नेपाली कांग्रेसले अवरुद्ध गरेको छ । अाज दिउँसो बसेको बैठकमा कांग्रेस सांसद डिल्लिबहादुर चौधरीले बजेटले प्रदेशको समग्र विकासमा सम्बोधन नगरेको भन्दै अवरुद्ध गर्ने जनाएपछि कांग्रेसका सबै सांसदले उभिएर विरोध जनाएका थिए ।
सभामुख पूर्णबहादुर घर्तिले बैठक अगाडि बढाउन सहयोग गर्न पटक पटक आग्रह गर्दा पनि कांग्रेसका सांसद उभिइरहे । बस्न नमानेपछि सभामुखले सांसदको कारवाही अगाडि बढाउन खोज्दा कांग्रेसका सांसद बैठक नै बहिस्कार गरेर बाहिरिएका थिए । कांग्रेसले बहिस्कार गरेपछि प्रदेश सभा बैठक २० मिनेटका लागि स्थगित भएको छ ।
