युएई– नेपाल आदिवासी जनजाति महासंघ युएईले आदिवासी जनजातिका अग्रज तथा पूर्वमन्त्री गोरेवहादुर खपांगीको शीघ्र स्वास्थ्य लाभको कामना सहित स्वास्थ्य उपचारको लागि संकलित सहयोग रकम नेपाल पठाएको जानकारी दिएको छ ।
युएईमा क्रियाशील जनजाति संस्थाहरूबाट संकलित ५५ हजार ६ सय ९३ रूपैयाँ कुलप्रसाद पुनको नामबाट नेपाल पठाएको जनाएको छ । सहयोग गर्ने संस्थाहरूमा तमू समाज, भुजेल समाज, मगर संघ, कियाचु, किराँत, राइ, शेर्पा किदुक, तामाङ समाज, नेवा पुचः, थारू प्रवासी लगायतका संस्थाहरू रहेका छन् । नेपाल आदिवासी जनजाति महासंघले एक कार्यक्रमकाबीच सहयोग गर्ने संघसंस्थाहरूलार्इ धन्यवाद दिएको कुरा महासंघका अध्यक्ष गिरमान थापामगरले बताउनुभयो ।
पूर्वमन्त्री खपांगी केही महिना अगाडि मोटरसाइकलले ठक्कर दिई घाइते हुनुभएको थियो ।
