समाचार सुन्नुहोस :
काठमाडौँ – श्रीलंकामा आयोजित सेन्ट्रल एसियन भलिबल एसोसिएसन (काभा) यू–२० पुरुष भलिबल च्याम्पियनसिपमा उपविजेता बनेको नेपाली टोलीलाई सम्मानपूर्वक स्वागत गरिएको छ। आइतबार त्रिभुवन अन्तर्राष्ट्रिय विमानस्थलमा ओर्लिएपछि खेलाडीहरूलाई खादा, टीका र जमरा अर्पण गरी स्वागत गरिएको हो।
शनिबार सम्पन्न फाइनल खेलमा नेपाल उज्बेकिस्तानसँग ३-१ को सेटमा पराजित भएको थियो। असोज २० गतेदेखि सुरू भएको यो प्रतियोगिता शनिबार औपचारिक रूपमा समाप्त भएको हो। यो प्रतियोगितामा नेपाली टोलीले उत्कृष्ट प्रदर्शन गर्दै उपविजेताको स्थान हासिल गरेका छन्।
