नगन ति खोला का ढुङ्गाहरु, बस तिमी आफ्नो लक्ष्य लाई हेर
जो बित्यो बिती सक्यो अब आउने वाला भोलिलाई हेर ।
प्रत्येक पथ मा आउँछन् बाधाहरू
हिम्मतले सबैलाई पार गर
कति छन आफ्नो भबिष्यका सपनाहरु
आफ्नै मेहनत बाट साकार गर ।
चारैतिर अबरोध आउछ कसरी? आँखा खोली हेर
जो बित्यो बिती सक्यो अब आउने वाला भोलि हेर ।
जीवन झरनाको पानी जस्तै हो
छङ् -छङ् मधुरो धुनमा गाउँछ
गतिमान हुँदै ठोक्किएर चट्टानहरुमा
बिस्तारै मैदानमा गएर सुस्ताउँछ ।
कुनै वृक्ष लगाउ छाँयाको, भविष्यको झोली हेर
जो बित्यो बिती सक्यो अब आउने वाला भोलिलाई हेर ।
जो मान्छे हिड्दा हिड्दै बाटोमा रोकिन्छ
त मात्र केवल उसलाई अध्यारो मिल्छ
जो सधैं लक्ष्य लिएर जागिरहन्छ
उसलाई नै एउटा नयाँ बिहानी मिल्छ |
होस कठिन प्रश्न चाहे जति, तिमी उत्तर एउटा दिमाग खोली हेर
जो बित्यो बिती सक्यो अब आउने वाला भोलि हेर ।
-असुरकोट-९, जोगिटारी, अर्घाखाँची
