टोकियो – नेपाल राष्ट्र बैंकले आज मंगलबारका लागि सार्वजनिक गरेको विदेशी मुद्राको विनिमय दरअनुसार येनको भाउमा सामान्य गिरावट देखिएको छ । पछिल्लो समय उतारचढावपूर्ण रहेको येनको मूल्य आज प्रति १० इकाइको बिक्री दर ९ रुपैयाँ ४० पैसा कायम भएको छ ।
राष्ट्र बैंकको विवरणअनुसार आज १० जापानी येनको खरिद दर ९ रुपैयाँ ३७ पैसा र बिक्री दर ९ रुपैयाँ ४० पैसा तोकिएको छ । येनको भाउमा गिरावट आउँदा अन्तर्राष्ट्रिय बजारका अन्य शक्तिशाली मुद्राहरूको मूल्य भने अझै उच्च विन्दुमै अडिएका छन् ।
१ अमेरिकी डलरको खरिद दर १५३.१६ रुपैयाँ र बिक्री दर १५३ रुपैयाँ ७६ पैसा कायम भएको छ । आज युरोको बिक्री दर १७५ रुपैयाँ २९ पैसा र खरिद दर १७४.६० रुपैयाँ कायम भएको छ । पाउन्डको बिक्री दर आज २०५ रुपैयाँ ०५ पैसा रहेको छ ।
खाडी र मलेसियाको मुद्रा दर :-
- कुवेती दिनार: ४९९ रुपैयाँ ५५ पैसा (नेपाली बजारमा उपलब्ध मुद्रामध्ये सबैभन्दा महँगो)
- कतारी रियाल: ४२ रुपैयाँ १८ पैसा
- युएई दिराम: ४१ रुपैयाँ ८७ पैसा
- साउदी रियाल: ४० रुपैयाँ ९६ पैसा
- मलेसियन रिंगिट: ३७ रुपैयाँ ६४ पैसा
- बहराइन दिनार: ४०७ रुपैयाँ ८० पैसा
यसैगरी क्यानेडियन डलरको बिक्री दर १०९ रुपैयाँ ०१ पैसा, अस्ट्रेलियन डलर १०७ रुपैयाँ ६९ पैसा र दक्षिण कोरियाली वन १०० को विनिमय दर १० रुपैयाँ ४७ पैसा कायम भएको छ ।
नेपाल राष्ट्र बैंकले भारतीय रुपैयाँ (भारु) सँगको विनिमय दरलाई भने साविक बमोजिम नै प्रति १०० भारुको खरिद १६०.०० र बिक्री १६०.१५ रुपैयाँमा स्थिर राखेको छ । राष्ट्र बैंकले तोकेको यो दर ‘सन्दर्भ दर’ मात्र भएकाले खुल्ला बजारमा विभिन्न वाणिज्य बैंकहरूले तोक्ने विनिमय दरमा भने केही सामान्य अन्तर हुन सक्ने बैंकले स्पष्ट पारेको छ ।
