समाचार सुन्नुहोस :
काठमाडौँ – अभिनेत्री मनिषा कोइरालाले वेब सिरिज ‘हिरामण्डी’ मार्फत सर्वोत्कृष्ट अभिनेत्रीको अवार्ड जितेकी छिन्। फिल्मफेयर ओटीटी अवार्डको पाँचौं संस्करणमा उनले यो सम्मान प्राप्त गरेकी हुन्। समारोहमा २९ विधामा पुरस्कार प्रदान गरिएको थियो। ‘हिरामण्डी’ सबैभन्दा धेरै १६ विधामा मनोनयनमा परेको थियो। यस्तै, ‘गन्स एन्ड गुलाब्स’ १२ र ‘कालापानी’ ८ विधामा मनोनयनमा परेका थिए।
सर्वोत्कृष्ट सिरिजको पुरस्कार ‘द रेल्वे मेन’ लाई प्रदान गरियो। ‘कालापानी’ बाट समीर सक्सेना र अमित गोलानीले सर्वोत्कृष्ट निर्देशकको अवार्ड जिते। कमेडी विधामा, ‘गन्स एन्ड गुलाब्स’ का राजकुमार रावले सर्वोत्कृष्ट अभिनेताको अवार्ड जित्दा, ड्रामा विधामा ‘द तेल्गी स्टोरी’ का गगन देव सर्वोत्कृष्ट अभिनेता घोषित भए।
मनिषाले ड्रामा विधामा सर्वोत्कृष्ट अभिनेत्रीको उपाधि जितिन् भने कमेडी विधामा ‘गुल्लक सिजन ४’ बाट गीताञ्जली कुलकर्णीलाई सर्वोत्कृष्ट अभिनेत्रीको अवार्ड प्रदान गरियो।
