काठमाडौं – महानायक अमिताभ बच्चनको ट्विटर अकाउन्ट ह्याक भएको छ । सोमबार मध्य रातमा ह्याक गरेर उनको अकाउन्टमा पाकिस्तानी प्रधानमन्त्री इमरान खानको तस्बिर राखिएको थियो ।
बीबीसी हिन्दीका अनुसार टर्कीको पाकिस्तान समर्थक समूह अयालडिजको समूहले बच्चनको अकाउन्ट ह्याक गरेको हो । यसको जिम्मेवारी त्यस समूहले लिइसकेको छ । ह्याकरले ३ वटा ट्विट पनि गरेका थिए । जसमध्ये एक ट्विटमा ‘लभ पाकिस्तान’ लेखिएको थियो ।
त्यस्तै, अर्को ट्विटमा पाकिस्तानको झन्डा देखाइएको थियो । बच्चनको ट्विटरमा एक्कासी पाकिस्तानी प्रधानमन्त्रीको तस्बिर देखिएपछि भारतमा हंगामा मच्चिएको थियो । ह्याकरले गरेको तेस्रो ट्वीटमा लेखिएको थियो, ‘यो सारा संसारका लागि महत्वपूर्ण सन्देश हो ।
हामी टर्कीका खेलाडीप्रति आइसल्यान्डमा गरिएको व्यवहारको निन्दा गर्छौं । हामी हाम्रो कुरा सहज तर दृढतापूर्वक राख्छौं र तपाईलाई ठूलो साइबर हमलाको बारेमा सचेत गराउन चाहन्छौं । अयालडुज टिम टर्किस आर्मी ।’ यतिबेला भने ट्विटर अकाउन्टको नियन्त्रण बच्चनले फिर्ता पाइसकेका छन् ।
T 3191 –
सिर्फ शब्दों से न करना,
किसी के वजूद की पहचानहर कोई , उतना कह नही पाता
जितना समझता और महसूस करता है… ~ Ef sp"express not just in words the existence of one ; not everyone has the capability to say what they understand and feel " ~ ab pic.twitter.com/WfAgosafqd
— Amitabh Bachchan (@SrBachchan) June 11, 2019
