ओसाका – गैरआवासीय नेपाली संघ जापानको कान्साई क्षेत्रीय समितिले नेपाली नयाँ बर्ष बिक्रम सम्बत २०६९ को अबसरमा ओसाकामा गर्न लागेको नया वर्ष बिशेष कार्यक्रम को सम्पूर्ण तयारी पुरा भएको जनाएको छ ।
ओसाकाको बेन्तेन्चोमा अबस्थित होटेल ओसाका बे टावर मा गरिने उक्त भब्य कार्यक्रम नेपाली नयाँ वर्ष बैसाख १ गते अप्रिल १३ तारिखका दिन बेलुकी ५:३० बाट सुरु हुनेछ । अग्रेजी नयाँ वर्ष धुमधामसँग मनाइने अनि प्राय ब्यापार, ब्यबसाय बन्द हुने गर्दै आएको तर नेपाली नयाँ बर्षलाई खासै महत्व नदिइएको अबस्थामा बिदेशमा नेपाली नयाँ बर्ष बिरानो हुन लागेको ठहर गर्दै यसपालीको नेपाली नयाँ बर्षको कार्यक्रम बैसाख १ गते नै पारेर गर्न लागेको कार्यक्रम संयोजक नरेन्द्र बस्नेत (दिनेश )ले जानकारी गराए । ब्यबसायीहरुको लागि ब्यस्त दिन शुक्रबार कार्यक्रम हुन लागेको भएपनि नेपाली १ गते नै पारेर कार्यक्रम गर्न लागेको हुनाले नेपालको रातो बिदाको रुपमा नै यहाँ पनि आफ्नो ब्यबसाय बिदा गरेर कार्यक्रममा सहभागी हुने जानकारी प्राप्त भएको उनले बताए ।
हामीले एक दिन आफ्नो नयाँ वर्षमा बिदा गरेर रमाइलो पनि गर्न पाईने अनि यसले थोरै भएपनि जापानी समुदायमा नेपाली नयाँ वर्षको जानकारी हुनुको साथै पर्यटन प्रबर्दनमा पनि सहयोग पुग्छ भने किन तेसो नगर्ने त भनेर आत्माबिश्वासका साथमा बिदा गरि रमाइलो गर्ने जमर्को गरेको कुरा एनआरएन कान्साईले जानकारी गराएको छ । त्यसैगरी परिवारजनबाट टाढा भै दुःख सुख गरि परदेशमा बसेका सबै नेपाली दाजुभाई दिदीबहिनीहरुलाई आफ्नो ब्यस्त जीवनबाट एक दिन भए पनि नेपाली झलक दिलाउने प्रयास अनि नेपाली सँस्कृतिलाई जोगाई राख्न र जापानी समुदायलाई नेपाली मौलिक संस्कृतिका बिषयमा जानकारी समेत दिन उक्त कार्यक्रम गर्न लागिएको आयोजकले बताएको छ ।
खानपिन जलपानको साथमा स्थानीय नेपाली र जापानी कलाकारहरुको सुन्दर नृत्य, दोहोरि धमाका कार्यक्रमको आकर्षण रहनेछन् । लगभग ४०० को संख्यामा नेपालीहरुको सहभागिता हुने आशा गरिएको उक्त कार्यक्रमलाई IME JAPAN ले प्रयोजन गरेको छ ।
