काठमाडौं – च्याम्पियन्स लिग फुटबलअन्तर्गत बुधबार राति भएका खेलमा शीर्ष क्लबहरु बार्सिलोना र आर्सनल विजयी भएका छन् । म्यानचेस्टर सिटीलाई सेल्टीकले बराबरीमा रोक्दा बायर्न म्युनिखलाई एथ्लेटिको मड्रिडले पराजित गरेको छ । समूह ए को खेलमा इङ्लिस क्लब आर्सनलले स्वीसट्जरल्याण्डको एफसी बाजललाई २ – १ ले हरायो ।
यही समुहको अर्को खेलमा फ्रेन्च क्लब पेरिस सेन्ट जर्मेनले बुल्गेरियाको लुदोगोरेट्स राज्गार्डलाई ३–१ ले हरायो । समूह बी का खेलमा टर्कीस क्लब बेसिक्तास र युक्रेनको डाइनामो किभले १–१ गोलको बराबरी खेल्दा ईटालीको नापोलीले पोर्चुगलको बेनीफीकालाई ४–२ ले हरायो ।
समुह सी का खेलहरुमा इङ्लिस क्लब म्यानचेस्टर सिटीलाई स्कटल्याण्डको सेल्टीकले ३–३ गोलको बराबरीमा रोकेको छ । यही समुहको अर्को खेलमा स्पेनको बार्सिलोनाले जर्मनीको बोरुसिया एम्ब्याचलाई २–१ ले हराएको छ ।
च्याम्पियन्स लिग फुटबलअन्तर्गत समुह डी का खेलहरुमा स्पेनको एथ्लेटिको मड्रिडले जर्मनीको बायर्न म्युनिखलाई १–० ले हराउँदा रुसको एफ.सी रोस्तोभ र नेदरल्याण्ड्सको पि.एस.भी आइन्डोभनले २–२ गोलको बराबरी खेलेका छन् ।
