मुक्तकहरु:

मुक्तक १.
उदार सोँचमा सदा हुन्छ झेल जिन्दगीमा
कहिले सम्म खेलौं हार्दै खेल जिन्दगीमा
चाहनाको बली चडाई बित्यो उमेर प्रवासमै
बगिरहन्छन् आसुँका यी भेल जिन्दगीमा ।

मुक्तक २.
जन्मेदेखि पाइन सुख फुटेको भाग्य मेरो
कर्म लेख्दा विधाताले छुटेको भाग्य मेरो
पोखिएछन् खुसी सबै अल्झिएर मझधारमा
समयको परिवेशले लुटेको भाग्य मेरो ।

मुक्तक ३.
अहंकार त्यो अभिमान घटाइदेऊ न छिमेकी
अब छिट्टै नाकाबन्दी हटाइदेऊ न छिमेकी
धेरै दुख पाएका छन् नेपाली ती जनताले
इन्धनका गाडीहरु पठाइदेऊ न छिमेकी ।

गैडाकोट ४ नवलपरासी
हाल . इजरायल