समयका स्वादहरु
हिँड्दै जाँदा भेटिदै जाँदा
कति साथीले मुटुमा छुन्छन्
बिर्सनै नसक्ने मीठा प्यारा
थुप्रै सम्झनामा थुन्छन्
पुरानो झ्याल खोली एकनासले
पर-पर हेरिरहन्छु
फिँजिएका अनगिन्ती रमाइला क्षण
परेली झिम्काई बेरिरहन्छु
पूर्व सूर्यको लालीले छुँदा
न्यानोपनको अनुभव भइरहन्छ
साटेका असंख्य मुस्कान र हाँसो
फेरि-फेरि चाहानामा आइरहन्छ
रङ्गीचङ्गी फक्रिएका फूलमा
मायाका याद रङ्गीरहन्छन्
ति आत्मिय बितेका पलमा
समयका स्वादहरु बल्झिरहन्छन्
-लस एन्जेलस
