टोकियो – नेपाल राष्ट्र बैंकले आज आइतबारका लागि सार्वजनिक गरेको विदेशी मुद्राको विनिमय दरअनुसार जापानी येनको भाउमा स्थिरता देखिएको छ । पछिल्लो समय केही कमजोर विन्दुमा झरेको येनको मूल्य आज प्रति १० इकाइको बिक्री दर ९ रुपैयाँ ३६ पैसा कायम भएको छ ।
राष्ट्र बैंकको विवरणअनुसार आज १० जापानी येनको खरिद दर ९ रुपैयाँ ३३ पैसा र बिक्री दर ९ रुपैयाँ ३६ पैसा तोकिएको छ । अघिल्लो दिनको तुलनामा येनको विनिमय दरमा कुनै फेरबदल भएको छैन ।
येनसँगै अन्तर्राष्ट्रिय बजारका अन्य प्रमुख मुद्राहरूको भाउ पनि आज उच्च विन्दुभन्दा केही तल नै अडिएका छन् । १ अमेरिकी डलरको खरिद दर १५०.७४ रुपैयाँ र बिक्री दर १५१.३४ रुपैयाँ रहेको छ । आज युरोको बिक्री दर १७२ रुपैयाँ ६४ पैसा र खरिद दर १७१.९६ रुपैयाँ कायम भएको छ । पाउन्डको बिक्री दर आज २०० रुपैयाँ ०७ पैसा पुगेको छ ।
नेपाली श्रमिकहरूको प्रमुख गन्तव्य मानिने खाडी मुलुक र मलेसियाको विनिमय दर आज यस प्रकार छ:-
- कुवेती दिनार: ४९१ रुपैयाँ ५२ पैसा (नेपाली बजारमा उपलब्ध मुद्रामध्ये सबैभन्दा महँगो)
- कतारी रियाल: ४१ रुपैयाँ ५६ पैसा
- युएई दिराम: ४१ रुपैयाँ २१ पैसा
- साउदी रियाल: ४० रुपैयाँ ३० पैसा
- मलेसियन रिंगिट: ३७ रुपैयाँ ०३ पैसा
- बहराइन दिनार: ४०१ रुपैयाँ ४३ पैसा
- ओमानी रियाल: ३९३ रुपैयाँ ११ पैसा
यसैगरी क्यानेडियन डलरको बिक्री दर १०६ रुपैयाँ ६९ पैसा, अस्ट्रेलियन डलर १०४ रुपैयाँ ४४ पैसा र दक्षिण कोरियाली वन १०० को विनिमय दर ९ रुपैयाँ ८४ पैसा कायम भएको छ ।
नेपाल राष्ट्र बैंकले भारतीय रुपैयाँ (भारु) सँगको विनिमय दरलाई भने साविक बमोजिम नै प्रति १०० भारुको खरिद १६०.०० र बिक्री १६०.१५ रुपैयाँमा स्थिर राखेको छ । राष्ट्र बैंकले तोकेको यो दर सन्दर्भ दर मात्र भएकाले खुल्ला बजारमा विभिन्न वाणिज्य बैंकहरूले तोक्ने विनिमय दरमा भने केही सामान्य अन्तर हुन सक्ने बैंकले स्पष्ट पारेको छ ।
