मेष (चू,चे,चो,ला,लि,लू,ले,लो,अ) आज आफन्त तथा चेली–माइतीबीच मतभेद बढ्ने संकेत देखिन्छ, त्यसैले व्यवहारमा सावधानी अपनाउनु राम्रो हुन्छ। प्रेम सम्बन्धमा निराशा वा धोका हुन सक्छ भने दाम्पत्य जीवनमा पनि सामान्य विवाद आउन सक्छ। समय र परिस्थितिअनुसार निर्णय नगर्दा समस्या बढ्न सक्छ। स्वास्थ्यमा सामान्य गडबडी देखिन सक्छ जसले उपचार खर्च बढाउन सक्छ। तर व्यापार, उद्योग तथा सेयर बजारमा लगानी गरे लाभ कमाउने सम्भावना भने राम्रो देखिन्छ।
वृष (ई,ऊ,ए,ओ,वा,वी,वू,वे,वो) भौतिक सम्पत्तिको सही प्रयोगबाट आम्दानी बढाउन सकिने समय छ। तपाईंको व्यवहारले अरूलाई आकर्षित गर्न सक्नुहुनेछ। व्यापार व्यवसाय राम्रोसँग अघि बढ्नेछ र सोही सिलसिलामा यात्रा पनि हुन सक्छ। पर्यटन वा यात्रासम्बन्धी क्षेत्रमा लगानी गर्दा फाइदा मिल्ने सम्भावना छ। प्रेम सम्बन्धमा रमाउन चाहनेहरूका लागि समय अनुकूल छ। राजनीतिक भेटघाट, बैठक तथा कार्यक्रमहरूमा सहभागिता रहनेछ र राजनीति वा समाजसेवामा पद पाउने अवसर पनि मिल्न सक्छ।
मिथुन (का,की,कू,घ,ङ,छ,के,को,हा) कानुनी वा न्यायिक विषयहरू तपाईंको पक्षमा जाने सम्भावना छ र विरोधीहरू कमजोर हुनेछन्। पढाइ तथा प्रतिस्पर्धामा राम्रो प्रदर्शन हुने देखिन्छ। प्रेम सम्बन्धमा पनि सकारात्मक समय रहनेछ। व्यापार, उद्योग तथा सेयर बजारमा लगानी गर्दा भविष्यमा राम्रो फाइदा मिल्न सक्छ। लामो समयदेखि रोकिएका कामहरू पूरा हुनेछन्। अध्ययन वा कामको कारणले टाढाको यात्रा गर्ने योग पनि देखिन्छ।
कर्कट (ही,हू,हे,हो,डा,डी,डु,डे,डो) राम्रा काममार्फत अरूको विश्वास जित्न सकिने समय छ। नयाँ प्रविधिको प्रयोगले आम्दानीका नयाँ अवसरहरू खुल्नेछन्। प्रतिस्पर्धामा सफलता मिल्नेछ। आफन्त तथा मामा पक्षबाट सहयोग पाउँदा मन खुसी रहनेछ। खर्च केही बढे पनि सकारात्मक काम गर्दै अगाडि बढ्न सकिनेछ। स्वास्थ्य सामग्री, निर्माण सामग्री तथा वित्तीय क्षेत्रमा लगानी गर्दा लाभ हुन सक्छ।
सिंह (मा,मी,मू,मे,मो,टा,टी,टू,टे) सवारी साधनसँग सम्बन्धित व्यापारमा मेहनत बढाए राम्रो नाफा पाउन सकिन्छ। पढाइमा सफलता पाउन थप प्रयास आवश्यक देखिन्छ। राजनीति वा समाजसेवामा सक्रिय हुनेहरूका लागि समय मध्यम रहेकोले जनतासँग सन्तुलित व्यवहार गर्नु राम्रो हुन्छ। आमा तथा आफन्तबाट राम्रो सल्लाह र सुझाव मिल्ने भएकाले काम सुधार गर्न सहयोग पुग्नेछ। वित्तीय क्षेत्रमा गरिएको लगानीले फाइदा दिन सक्छ।
कन्या (टो,पा,पी,पू,ष,ण,ठ,पे,पो) रोकिएका कामहरू क्रमशः पूरा हुँदै जानेछन् र नयाँ अवसरहरू पनि देखिन थाल्नेछन्। पढाइमा सुधार गर्दै सफलता नजिक पुग्न सकिनेछ। छिमेकीहरूबीच राम्रो कामले प्रतिष्ठा बढ्नेछ। दाजुभाइ तथा आफन्तको साथ सहयोगले काम गर्ने उत्साह बढ्नेछ। सानो प्रयासले पनि राम्रो परिणाम मिल्न सक्छ र प्रतिस्पर्धीहरूलाई पछि पार्न सकिनेछ। प्रेम सम्बन्धमा नजिकपन बढ्नेछ र मिल्ने साथीको सहयोगले काम सफल हुनेछ।
तुला (रा,री,रु,रे,रो,ता,ती,तू,ते) तपाईंले गरेको कामको धेरैले प्रशंसा गर्नेछन् र विशिष्ट व्यक्तिबाट सम्मान पाउने सम्भावना छ। तार्किक क्षमता बढ्दै जानेछ जसले सम्मानका साथ आम्दानी पनि बढाउन मद्दत गर्नेछ। गायन तथा संगीत क्षेत्रमा लागेकाहरूले राम्रो नाम कमाउन सक्नेछन्। परिवारमा जमघट भई मिठा परिकार खाने अवसर मिल्नेछ। प्रेम सम्बन्धमा सकारात्मक परिवर्तन आउनेछ र कुटुम्बसँगको सम्बन्ध पनि अझ मजबुत हुनेछ।
वृश्चिक (तो,ना,नी,नू,ने,नो,या,यी,यू) नयाँ र सिर्जनात्मक कामबाट आर्थिक अवस्था सुधार गर्न सकिनेछ। व्यापार तथा सेयर बजारबाट लाभ मिल्ने सम्भावना छ। पुराना कामहरू सम्पन्न हुँदा आत्मविश्वास बढ्नेछ। राजनीति तथा सामाजिक कार्यमा सक्रिय हुनेहरूका लागि समय राम्रो देखिन्छ। पढाइमा सफलता मिल्नेछ र राम्रो नतिजाले परिवार तथा गुरुहरू खुसी हुनेछन्। प्रेम सम्बन्धमा रमाउन चाहनेहरूका लागि पनि अनुकूल समय छ।
धनु (ये,यो,भा,भी,भू,ध,फा,ढा,भे) सरकारी वा प्रशासनिक काम गर्दा सतर्क रहनु आवश्यक छ, किनकि काम समयमा पूरा नहुन सक्छ। गलत गतिविधिमा संलग्न भए प्रतिष्ठामा असर पर्न सक्छ। पढाइमा ध्यान कम जाँदा अरूभन्दा पछि पर्ने सम्भावना छ। प्रेम सम्बन्धमा निराशा आउन सक्छ र जीवनसाथीसँग सानो विषयमा विवाद हुन सक्छ, त्यसैले संयमता आवश्यक छ।
मकर (भो,जा,जी,जू,जे,जो,ख,खी,खू,खे,खो,गा,गी) पढाइप्रति रुचि बढ्नेछ। दाजुभाइ वा अग्रजहरूको सल्लाह मान्दै अघि बढ्दा सफलता मिल्नेछ। नयाँ काम सुरु गरेर आम्दानीका स्रोत बढाउन सकिनेछ। विभिन्न अवसरहरू प्राप्त हुने भएकाले राम्रो नतिजा दिने काम गर्न सकिनेछ। खनिज पदार्थ वा त्यससँग सम्बन्धित कामबाट राम्रो धन आर्जन हुने सम्भावना छ। नयाँ सवारी साधन वा मन परेको सम्पत्ति प्राप्त हुने योग पनि देखिन्छ।
कुम्भ (गू,गे,गो,सा,सी,सू,से,सो,दा) परिवार र आफन्तसँग रमाइलो तथा उपलब्धिमूलक यात्राको सम्भावना छ। काम गर्ने ऊर्जा र आत्मविश्वास बढ्नेछ। कानुनी वा विवादित विषयहरू क्रमशः समाधानतर्फ जानेछन्। साथीभाइ र इष्टमित्रको सहयोग प्राप्त हुनेछ। मान्यजनको साथले सुरु गरेका काममा सफलता मिल्नेछ। नयाँ कामबाट राम्रो लाभ मिल्नेछ र रोजगारी खोज्नेहरूका लागि अवसर आउने सम्भावना छ। कार्यस्थलमा तपाईंको कामको प्रशंसा हुनेछ।
मीन (दी,दू,थ,झ,ञ,दे,दो,चा,ची) चन्द्रमाको सकारात्मक प्रभावका कारण धार्मिक तथा शैक्षिक यात्राको अवसर मिल्न सक्छ। सानो प्रयासले पनि राम्रो उपलब्धि प्राप्त हुने समय छ। सरकारी निकायसँग नजिक भएर काम गर्नेहरूले आर्थिक लाभ पाउन सक्छन्। नयाँ रोजगारी, पदोन्नति वा राम्रो स्थानमा सरुवा हुने सम्भावना बलियो छ। सेयर बजार तथा वित्तीय क्षेत्रमा गरिएको लगानीबाट अपेक्षित आम्दानी मिल्न सक्छ। सामाजिक सञ्जाल र प्रविधिको प्रयोगमार्फत आफ्ना विचार धेरै मानिससम्म पुर्याउन सकिनेछ।
