टोकियो – “विश्व लिम्बुवान सांस्कृतिक महासंघ” ब्रुनाईको आयोजनामा गत शनिवार १८ मेइ २०१३ को दिन अत्यन्तै भब्य, सभ्य र बेजोड उत्साहका साथ न्यु क्वाटर (स्ताना इडिण्ब्रो) बन्दार सेरी बेगावान ब्रुनाईको राजधानी नजिकैको स्थानमा यक्वा तङ्नाम (उभौली) सम्पन्न भएको थियो।
श्री मीनबहादुर लिम्बु अध्यक्ष “विश्व लिम्बुवान सांस्कृतिक महासंघ” ब्रुनाईको सभापतित्वमा सम्पन्न यो कार्यक्रममा प्रमुख अथिति गीतकार तथा संथापक केन्द्रीय अध्यक्ष सन्तकुमार आङ्देम्बेज्युलाई आसित रहनु भएको थियो भने क्या काजिमान लिम्बु (एम सी), गीतकार दिपा लिम्बु राई लगात १५ अथितीहरु आसिन गरिएको थियो। वरिष्ठ सल्लाहकारहरु क्रमश श्री यक्षराज लिम्बु र सास्कृतिविद श्री गोपीलाल लिम्बुले गर्नुभएको थियो साथै विशेष अथितिको आशन श्री सुशिल आङ्देम्बेले लिनुभएको थियो।
उक्त कार्यक्रम विश्व लिम्बुवान सांस्कृतिक महासंघको अवधारणा विश्वभर छरिएर रहेका समग्र लिम्बु मुटु,लिम्बु रगत, लिम्बु प्राण र लिम्बुवान भूमिको सन्ततीहरुको निर्बिकल्प आवश्यक सास्कृतिक सामाजिक क्रान्ती संकल्पित अभियान: “सास्कृतिक सामाजिक एकता र एकरुपताको लिम्बुवान स्पष्ट पहिचान र दुरुस्त संस्कारको लिम्बुवान” लाई मन वचन र कर्मले काधमा काध मिलाउदै निर्दिष्ठ लक्षमा पुरयाउने ऐक्यबध्दता जनाउदै उपस्थित ब्याक्तित्वहरु हरेकले दिल खोलेर धित मरुन्जेल च्याब्रुङ्ग विधाका विभिन्न नाचहरु नाच्ने अवसर मिलेको थियो। विधिगत र पूर्बयोजना अनुसार आयोजना गरिएको यस कार्यक्रम अत्यन्तै विशाल र उत्कृष्ठ रहेको त्यस भेलामा आउनुभएका ब्याक्तित्वहरुले जनाउनु भएको थियो।
कार्यक्रममा साँस्कृतिकविद गोपिलाल लिम्बु ज्यू को अग्रसरतामा ब्रुनाईमै तयार गरिएका अत्यन्तै बज्ने ३५ भन्दा धेरै च्याब्रुङ्गहरुको उपस्थिति साथै अन्य नाचगान, धान नाच, लिम्बु आधुनिक गीतको नाच, डोकेनी नाच, हाकपारे ख्याली, सामिक्ला (कविता)वाचन समेतको प्रस्तुतीहरु रहेको थियो भने लि:तोङ (धनुकांध) को प्रतिस्पर्धामा विजेता बिरेन्द्र लिम्बु लाई एउटा च्याब्रुङ्ग प्रदान गरिएको थियो भने उत्कृष्ठ पहिरनमा ३ विजेताहरु क्रमश: ढेट माया एभेङ, जानमाया तेम्बे र धनकुमारी स्रेङ चोङ्बाङ लाई पुरस्कार प्रदान गरिएको थियो।
अन्त्यमा कार्यक्रमको औचित्य खुलस्त पार्नुहुदै प्रमुख अथिति गीतकार तथा संथापक केन्द्रीय अध्यक्ष सन्तकुमार आङ्देम्बेले अयोजक “विश्व लिम्बुवान सास्कृतिक महासंघ” साखा ब्रुनाईका हरेक सदस्यहलाई धन्यवाद दिनुकासाथै यसरीनै सक्रिय भुमीकाको निर्बाह गरिरहने आग्रह गर्नुभयो। साथै त्यसै कार्यक्रमलाई अवसरमा विस्तारित ५ जना नयां केन्द्रीय कार्य समिती सदस्यहरुको नाम घोषणा गर्नुभएको थियो। सार्बजनिक नयां केन्द्रीय सदस्यहरुको नामहरु क्रमश: उप-महासचिव तथा महासंघ प्रबक्ता: श्री महेश वानेम (ताप्लेजुङ) यु के, श्री बिष्णुमाया केरुङ (बिर्तामोड) झापा, श्री दुर्गा नेम्बाङ (दुर्गापुर) झापा, श्री नरबीर लिम्बु योङहाङ (एकतपा) इलाम र श्री रोहितराज नेम्बाङ (बिर्तामोड) झापा मनोनित गरिएको छ।
उक्त कार्यक्रमलाई सिल्भिया एभेङ, मेरिना जिमी, दिपेन्द्र लोक्साम र सुशिल लिम्बु चोङ्बाङले सन्चालन गर्नुभएको थियो। ***
