काठमाडौँ – सुनसरी निर्वाचन क्षेत्र नं. १ मा प्रतिनिधिसभा सदस्यका लागि भएको निर्वाचनको मतगणना सुरु गरिएको छ। यस क्षेत्रमा श्रम संस्कृति पार्टीका अध्यक्ष हर्क साम्पाङ पनि उम्मेदवारका रूपमा चुनावी मैदानमा छन्। निर्वाचनमा साम्पाङसहित कुल २८ जना उम्मेदवारबीच प्रतिस्पर्धा भइरहेको छ।
सुनसरी–१ अन्तर्गत धरान उपमहानगरपालिका पूर्ण रूपमा समेटिएको छ भने बराहक्षेत्र नगरपालिकाका पाँच वटा वडा र रामधुनी नगरपालिकाका दुई वटा वडा पनि यस क्षेत्रमा पर्दछन्। यसरी यो क्षेत्रमा जम्मा २७ वटा वडा समावेश छन्।
मतगणनासँगै उम्मेदवारहरूको मतपरिणाम क्रमशः सार्वजनिक हुँदै जाने निर्वाचन अधिकृतको कार्यालयले जनाएको छ।
