टाेकियाे- गुगल आफ्नो प्रसिद्ध सर्च होमपेजको नयाँ संस्करण परीक्षण गर्दैछ, जहाँ परम्परागत ‘I’m Feeling Lucky’ बटनलाई हटाएर नयाँ विकल्प ‘AI Mode’ राखिएको छ ।
यो नयाँ फिचर मेको सुरुमा सीमित परीक्षणको रूपमा सुरु गरिएको थियो जुन कम्पनीको AI-आधारित क्षमताहरूलाई दैनिक खोज अनुभवमा समावेश गर्ने प्रयासको भाग हो ।
गुगलका प्रवक्ताका अनुसार यो परिवर्तन अहिले कम्पनीको प्रयोगात्मक Labs प्लेटफर्ममार्फत परीक्षण भइरहेको छ, तर यो स्थायी रूपमा लागू हुने निश्चित छैन ।
यो परिवर्तनको समय पनि महत्त्वपूर्ण छ किनभने यो गुगलको वार्षिक डेभलपर सम्मेलन Google I/O को केही समयअघि आएको हो जहाँ AI-सँग सम्बन्धित थप अपडेटहरू घोषणा हुने अपेक्षा गरिएको छ ।
गुगलको मुख्य सर्च पृष्ठमा यस्ता परिवर्तनहरू दुर्लभ छन्, तर कम्पनीमाथि परिवर्तनको दबाब बढिरहेको देखिन्छ । गत हप्ता एक एप्पल कार्यकारीले Safari मा गुगल सर्चहरू पहिलो पटक घटेको खुलासा गरे र यसलाई ChatGPT जस्ता AI उपकरणहरूको बढ्दो लोकप्रियतासँग जोडेका छन् ।
‘AI Mode’ को परीक्षण गरेर, गुगलले यो परिवर्तनलाई प्रतिक्रिया दिँदै, परम्परागत लेआउटमा अडिग बस्नुकाे सट्टा AI-संचालित खोज प्रणालीमा अगाडि रहने उपाय खोजिरहेको देखिन्छ।
