टाेकियाे – गूगलले यसअघि गरेकाे खतरनाक एआई प्रयोगहरू, जस्तै हतियारहरूको विकास र प्रयोगको बारेमा आफ्नो प्रतिबद्धताबाट पछि हटेकाे छ । कम्पनीले २०१८ मा एआई नीतिहरूमा एक ठुलो घोषणा गर्दै, हानिकारक प्रयोगहरूको बिरुद्धमा प्रतिबद्धता जनाएको थियो जसले एआईको प्रयोगले युद्ध, निगरानी र अन्य हानिकारक उद्देश्यहरूमा योगदान गर्न नहुने कुरामा कुरा प्रतिबद्ध जनाएकाे थियाे ।
तर हालका केही घटनाक्रमहरू र बढ्दो सरकारी र सैन्य परियोजनाहरूका कारण गूगलले आफ्नो नीति परिवर्तन गरेको छ । कम्पनीले हालसम्म एआईलाई हतियारको रूपमा प्रयोग नगर्ने भनेर बाचा गरे पनि, भविष्यमा यसलाई कस्तो दिशा दिइनेछ भन्ने कुरा अझै स्पष्ट पारेकाे छैन । यो कदम एआईको शक्ति र यसको प्रभावका बारेमा महत्वपूर्ण सवालहरूको सामना गरिरहेको बेला आएको छ, विशेष गरी यसका सम्भावित सैन्य र सुरक्षा प्रयोगहरूको परिप्रेक्ष्यमा ।
गूगलको यस निर्णयले एआई टेक्नोलोजीको विकास र यसको दुरुपयोगको बारेमा नयाँ बहसलाई जन्म दिएको छ। यससँगै अन्य कम्पनीहरू पनि हानिकारक एआई प्रयोगको अनुगमन र नियन्त्रण गर्नका लागि थप जिम्मेवारी र कानूनी निगरानीको दबाबको सामना गर्न सक्ने छन् । ऐजेन्सीको सहयोग ***
