सुनको भाउ ह्वात्तै घट्यो

काठमाडौ – सुनको भाउ आज तोलामा ५ सय रुपैयाँले घटेको छ । सुन आज तोलामा ५५ हजार ४ सय रुपैयाँमा झरेको नेपाल सुन चाँदी व्यवसायी महासंघले जनाएको छ ।

अन्तर्राष्ट्रिय बजारमा भाउ घटेकाले नेपाली बजारमा पनि असर परेको महासंघले जनाएको छ । सुन हिजो तोलाको ५५ हजार ९ सय रुपैयाँमा कारोबार भएको थियो । यस्तै आज चाँदी पनि तोलामा २० रुपैयाँले सस्तो भएको छ । चाँदी आज तोलाको ८ सय १५ रुपैयाँमा किनबेच भइरहेको छ ।