काठमाडाैं – न्युजिल्याण्डकी महिला मन्त्री आफ्नो पहिलो सन्तानलाई जन्म दिन आफैं साइकल चलाएर अस्पताल पुगेकी छन् । द ग्रिन पार्टीकी जुली जेन्टर गर्भवती भएको ९ महिना पछि साइकल चढेर अस्पताल गएकी हुन् ।
कारमा बस्नका लागि पर्याप्त ठाउँ नपुग्ने भन्दै उनले साइकलमा जाने निर्णय गरेकी हुन् । उनी स्थानीय समय अनुसार आइतबार बिहान साइकल चलाएर अस्पताल गएकी हुन्। मन्त्री जेन्टरले पतीसँगै साइकलमा जाँदै गर्दाको तस्बिर इन्स्टाग्राममा पोस्ट गरेकी छन् ।
न्युजिल्याण्डका मन्त्रीहरु पछिल्लो समय विश्वभरका आदर्श पात्र बनेका छन्। गएको जुनमा प्रधानमन्त्री ज्यासिन्डा अर्र्डेर्नले आफ्नो पहिलो सन्तान जन्माएकी थिइन् । प्रधानमन्त्री ज्यासिन्दा अर्डर्न विश्वकी दोस्रो यस्तो प्रधानमन्त्री बनेकी थिइन् जसले आफ्नो प्रधानमन्त्रीकै कार्यकालमा सत्तामै रहेर सन्तान जन्माएकी थिइन् । यसअघि न्युजिल्यान्डमा १९७० मा पहिलोपटक महिला सांसदले आफ्नो कार्यकालमा बच्चा जन्माएकी थिइन् ।
