टोकियो – नेपाल राष्ट्र बैंकले आज मंगलबारका लागि सार्वजनिक गरेको वैदेशिक मुद्राको विनिमय दरअनुसार जापानी येनको भाउमा सामान्य सुधार देखिएको छ । पछिल्लो केही समयदेखि उतारचढावपूर्ण रहेको येनको मूल्य आज केही पैसाले वृद्धि भई प्रति १० इकाइको बिक्री दर ९ रुपैयाँ ४६ पैसा कायम भएको छ ।
राष्ट्र बैंकको पछिल्लो विवरणअनुसार आज १० जापानी येनको खरिद दर ९ रुपैयाँ ४३ पैसा र बिक्री दर ९ रुपैयाँ ४६ पैसा तोकिएको छ । अघिल्लो दिनको तुलनामा येनको भाउमा प्रति १० इकाइ १ पैसाको सुधार आएको हो ।
जापानी येनसँगै अन्तर्राष्ट्रिय बजारका अन्य प्रमुख मुद्राहरूको भाउ पनि आज पुनः उकालो लागेको छ । राष्ट्र बैंकका अनुसार आज अमेरिकी डलरको खरिद दर १५२ रुपैयाँ ७० पैसा र बिक्री दर १५३ रुपैयाँ ३० पैसा पुगेको छ । यस्तै, युरोपियन युरोको बिक्री दर १७५ रुपैयाँ २४ पैसा र बेलायती पाउन्ड स्टर्लिङको बिक्री दर २०५ रुपैयाँ २८ पैसा कायम गरिएको छ । स्विस फ्र्याङ्कको बिक्री दर १८९ रुपैयाँ ४० पैसा पुगेको छ ।
नेपाली श्रमिकहरूको प्रमुख गन्तव्य मानिने खाडी मुलुक र मलेसियाको विनिमय दर आज यस प्रकार छ:-
- कुवेती दिनार: ४९८ रुपैयाँ १३ पैसा (नेपाली बजारमा उपलब्ध मुद्रामध्ये सबैभन्दा महँगो)
- कतारी रियाल: ४२ रुपैयाँ ०५ पैसा
- युएई दिराम: ४१ रुपैयाँ ७४ पैसा
- साउदी रियाल: ४० रुपैयाँ ८३ पैसा
- मलेसियन रिंगिट: ३७ रुपैयाँ ६६ पैसा
- बहराइन दिनार: ४०६ रुपैयाँ ५८ पैसा
यसैगरी क्यानेडियन डलरको बिक्री दर १०८ रुपैयाँ ४२ पैसा, अस्ट्रेलियन डलर १०६ रुपैयाँ ४१ पैसा र दक्षिण कोरियाली वन १०० को विनिमय दर १० रुपैयाँ २७ पैसा कायम भएको छ ।
नेपाल राष्ट्र बैंकले भारतीय रुपैयाँ (भारु) सँगको विनिमय दरलाई भने साविक बमोजिम नै प्रति १०० भारुको खरिद १६०.०० र बिक्री १६०.१५ रुपैयाँमा स्थिर राखेको छ । राष्ट्र बैंकले तोकेको यो दर सन्दर्भ दर मात्र भएकाले खुल्ला बजारमा विभिन्न वाणिज्य बैंकहरूले तोक्ने विनिमय दरमा भने केही सामान्य अन्तर हुन सक्ने बैंकले स्पष्ट पारेको छ ।
