राजदूत डा. भट्टराईको स्वागत कार्यक्रम सर्‍यो

टोकियो –  जापानका लागि नेपाली राजदूत डा. मदनकुमार भट्टराईको स्वागतमा आउँदो १८ तारिख आइतवार टोकियोमा गर्ने भनिएको परिचयात्मक  भेटघाट कार्यक्रम  पछाडि सारिएको छ ।

जापानबासी नेपालीहरुको तर्फ़बाट सबै नेपाली संघ-संस्थाहरुको संयुक्त आयोजनामा हुने भनिएको स्वागत तथा परिचयात्मक कार्यक्रम राजदूत डा. भट्टराईकै कार्यब्यस्तताको कारणले गर्दा पछाडि सार्नुपरेको बताईएको छ । आयोजक संस्थाहरु र दूतावासको आपसी परामर्शमा छिट्टै नै उपयुक्त तिथिमिति निर्धारण गरी कार्यक्रमको तय गरिने थाहा भएको छ ।

यसैबीच राजदूत डा. भट्टराईले हिजो १५ तारिख बिहिबार जापानी सम्राट आकिहितो समक्ष आफ्नो ओहोदाको प्रमाणपत्र चढाउनुभएको कुरा दूतावास श्रोतले जनाएको छ । ***