फ्रान्स– युरो कप फुटबलमा आफ्नो देश पराजित भएको पीडा सहन नसकेर बाटोमा रुँदै गरेका फ्रान्सका एक युवा समर्थकलाई जितको खुसी मनाइरहेको पोर्चुगलका एक बालकले सान्त्वना दिएको भिडियो सार्वजनिक भएको छ ।
फ्रान्समा घरेलु टोलीलाई अतिरिक्त समयमा १–० गोल अन्तरले हराउँदै पोर्चुगलले पहिलो पटक उपाधि उचाल्यो । विजेता टिमको पोर्चुगलमा भव्य स्वागत भयो । आइतबार रातिको खेल सकिएपछि फ्रान्सको सडकमा देखिएको एउटा दृश्यले सबैको मन छोयो ।
बाटोमा रुँदै गरेका फ्रान्सका समर्थक ति युवाको हात पोर्चुगलको जर्सी लगाएका बालकले समाते, युवा झस्किए, बालकले हात मिलाएर सान्त्वना दिएको भिडियोमा देख्न सकिन्छ ।
त्यसपछि ती युवा अघि बढे, बालक पनि उनलाई केही भन्दै सँगै अघि गए, युवाले बालकलाई रुँदै अँगालो हाले ।
भिडियोमा देखिएको यो दृश्यले धेरैलाई भावुक बनाएको छ । एजेन्सी
https://youtu.be/bgBXpGfeIiw
