काठमाडौं – नेपाली काँग्रेसका सभापति शेरबहादुर देउवाले देशलाई चिनाउन खेलाडीको महत्वपूर्ण भूमिका हुने बताउनुभएको छ । नेपाल कराँते महासंघ जिल्ला शाखाद्वारा राजधानीमा आयोजित खेलाडीलाई सम्मान कार्यक्रममा उहाँले सरकारले प्रस्तुत गरेको बजेटमा खेलकुद क्षेत्रमा न्यून विनियोजन भएको आरोप लगाउनुभयो ।
खेलाडी दीपक विष्टले खेलकुद क्षेत्रको विकासले देशको विकास हुन सक्ने विश्वास व्यक्त गरे। सो अवसरमा राष्ट्रिय तथा अन्तराष्ट्रिउ प्रशिक्षकलाई सम्मान गरिएको थियो । सम्मानित हुनेमा महेश जोशी, पुरेन्द्रविक्रम लाखे, गोपाल महर्जन, निवासगोपाल वैद्य, हिरासिंह डंगोल, मनोज न्याछ्यों, मीनकृष्ण महर्जन, नारायणदेव राणा, दिलेन्द्रगोविन्द वैद्य र ओमनारायण श्रेष्ठ छन्।
खेलाडी दीपक श्रेष्ठलाई पन्ध्र हजारसहित सम्मान गरिएको थियो । यसैगरी प्रीति डंगोल, रवि महर्जन, गंगाराम महर्जन, नीता राई, विनोद शाक्य, विनोद महर्जन र अमृता शाक्यलाई रु दश हजारसहित सम्मान गरिएको अध्यक्ष सानुलाल श्रेष्ठले बताउनुभयो ।
