टोकियो – टोकियो नजिकैको हिगासिमात्सुयामा शहरमा अवस्थित मारुकी ग्यालरी सोमबारदेखि दीर्घकालीन मर्मतसम्भारका लागि बन्द भएको छ । स्थापनाको ५८ वर्ष पूरा गरिसकेको यो ग्यालरी जीर्ण बन्दै गएकाले मर्मतसम्भारको आवश्यकता परेको हो ।
ग्यालरी बन्द हुनुअघि आइतबार हिरोसिमा प्यानलहरू हेर्न ठूलो संख्यामा आगन्तुकहरूको घुइँचो लागेको थियो । यी प्यानलहरू आणविक बम विष्फोटको साक्षी बनेका पति-पत्नी मारुकी इरी र मारुकी तोसीले संयुक्त रूपमा बनाएका हुन् । आफ्नी पत्नीसँगै अवलोकन गर्न आएका ३० वर्षीय एक पुरुषले शान्त र संयमित वातावरणमा यी कृतिहरूको कदर गर्न पाएकोमा खुसी व्यक्त गरे ।
ग्यालरीका क्युरेटर ओकामुरा युकिनोरीले भने, ‘यद्यपि मर्मतसम्भार लामो समयसम्म चल्नेछ, हामी यस संग्रहालयलाई आउने पुस्ताका लागि हिरोसिमा प्यानलहरूलाई निरन्तर संरक्षण र सुरक्षा गर्न सक्ने ठाउँमा परिणत गर्न चाहन्छौं ।’
ग्यालरी सन् २०२७ को मे महिनामा पुनः खुल्ने तालिका छ । ग्यालरीले सन् १९४५ को आणविक बम विष्फोटपछि हिरोसिमाको विनाशलाई चित्रण गर्ने ‘हिरोसिमा प्यानलहरू’ प्रदर्शन गर्दै आएको छ ।
