समाचार सुन्नुहोस :
काठमाडौँ – निजी विद्यालय सञ्चालकहरूले काठमाडौंको चक्रपथमा स्कुल बससहित र्याली गरेका छन्। उनीहरूले विद्यालय शिक्षा विधेयकमा उल्लेख गरिएको “पूर्ण छात्रवृत्ति” र “गैरनाफामूलक” बनाउने भन्ने शब्द हटाउन माग गरेका हुन्। शिक्षा, स्वास्थ्य तथा सूचना प्रविधि समितिबाट पारित भएको विधेयक सच्याउन दबाब दिन उनीहरूले प्रदर्शन गरेका हुन्।
यसै क्रममा प्याब्सन, नेशनल प्याब्सन, हिसान, अपेन र एनएमएले संयुक्त रूपमा काठमाडौं उपत्यकाको चक्रपथ क्षेत्रमा र्याली निकाले। र्यालीका क्रममा निजी विद्यालयका पहेँला बसहरू चक्रपथको एक लेनमा लस्कर लागेका थिए। यसले केही ठाउँमा अन्य सवारीसाधनको आवागमनमा समस्या भएको थियो।
