बेइजिङ – आफूलाई अमेरिकी पुरस्कार लिन अमेरिका जान नदिइएकोप्रति एकजना चिनियाँ अधिवक्ताले अपत्ति जनाउनुभएको छ ।
उहाँले यसलाई आफ्नो स्वतन्त्रतामा रोक लगाइएको भनी चिनियाँ सरकारको उक्त कदमको विरोध गर्नुभएको प्राप्त समाचारमा जनाइएको छ । उहाँले बिहीबार एएफपीका समाचारदातासमक्ष यो गुनासो गर्दै सरकारले अमेरिकाको भ्रमण गर्न रोक लगाएर आफ्नो नागरिक स्वतन्त्रताको हनन् गरेको जानकारी दिनुभएको हो । चिनियाँ अधिकारवादी अधिवक्ता नि युलानलाई मेरिकाले दिएको एक मानवअधिकारसम्बन्धी पुरस्कार लिन जान चीनले अनुमति दिएको थिएन । उक्त कार्यक्रममा उहाँ मङ्गलबार उपस्थित हुनुपर्ने थियो ।
तर चिनियाँ प्रहरीले उहाँलाई देश बाहिर भ्रमण आदेश नभएको भन्दै अन्तिम समयमा जानकारी गराएको थियो । सो आदेशपछि उहाँ मङ्गलबार वासिङ्टन डिसीमा उपस्थित हुन नसक्नुभएको हो ।
चिनियाँ राष्ट्रपति सि जिनपिङ् एक आणविका सम्मेलनका लागि अमेरिकी सो सहरमा पुग्नुभएको एकदिन अघि आयोजित सो समारोहमा उहाँलाई उपस्थित हुनबाट रोक लाइएको समाचारमा जनाइएको छ ।
उहाँले अन्तर्राष्ट्रिय साहसिक महिलाको पुरस्कार प्राप्त गर्नुभएको थियो । मानवअधिकारका क्षेत्रमा लागेर कामगर्ने विभिन्न अन्तर्राष्ट्रिय स्तरका महिलालाई सो पुरस्कार प्रदान गरिएको हो ।
उहाँले भन्नुभयो– मलाई अन्तिम समयमा आएर अमेरिका भ्रमणको आदेश नभएको भनियो र गतवर्ष चीन सरकारले राखेको मानवअधिकारवादीहरुको करिब २०० जनाको समूहमा आफूलाई पनि राखिएको जानकारी दिइएको छ ।
चिनियाँ पब्लिक सेक्युरिटी ब्युरोले उहाँलाई अमेरिका भ्रमणको लागि अनुमति नदिएको जानकारी दिएको थियो । उहाँले आफ्नो नितान्त व्यक्तिगत विषयमा आफू विदेश भ्रमण गर्न लागेको तर नदिइएको यस विषयलाई नितान्त व्यक्तिगत भावना हो भन्नुभएको छ ।
