नाइजेरिया– गैरआवासीय नेपाली संघ नाइजेरियाले आयोजना गरेको नयाँ वर्ष २०७३ का अवसरमा आयोजित सांस्कृतिक कार्यक्रममा गायीका कोमल होलीले हंगामा मच्चाएकी छिन् ।
झण्डै ६ घण्टा सञ्चालन भएको सांस्कृतिक कार्यक्रममा कोमलले आफ्ना चलेका गीतहरु गाएकी थिइन् । उनले गाउँदा स्थानीय नेपालीहरु नाच्न बाध्य भए । ओलीका अतिरिक्त नाइजेरियाका स्थानीय कलाकारहरुले पनि गीतसंगीत प्रस्तुत गरे । स्थानीय नेपालीहरु अन्जु पौड्याल ,संजीव छेत्री ,दीपक कर्ण ,चिरिञ्जीवी रोका , बिवेक पुडासैनी र बालकलाकार सुहीम थापाले समेत आफ्नो प्रतिभा प्रस्तुत गरे ।
कार्यक्रमको आरम्भ गर्दै एनआरएनएका कोषाध्यक्ष हिक्मत थापाले स्थापित नेपाली कलाकारको उपस्थितिमा अफ्रिकामा भएको सो कार्यक्रम आफैमा ऐतिहासिक भएको बताए । उनले अफ्रिका महादेशमा पनि नेपाली गीत संगीत गुञ्जन सुरु भएको उल्लेख गरे । कार्यक्रमका अतिथी नेपाल साप्ताहिकका प्रधानसम्पादक प्रशान्त अर्यालले नेपाली डायस्पोराको सानो परिवारले गरेको नेपाल र नेपाली संगीत प्रतिको मायाले नेपाल र नेपाली कलालाई साच्चिकै बिश्वब्यापी गरेको उल्लेख गरे ।
