काठमाडौं - २०७२ सालको वैशाख १२ गते । समय थियो, बिहानको ११ बजेर ५६ मिनेट । देशभक्त नेपालीका हृदय अझै काँप्छन् जब त्यो मितिको सम्झना आउँछ । गोरखाको बारपाक केन्द्रविन्दु भएको विनाशकारी भूकम्पले केवल धरहरा मात्र हैन, लाखौँको जिन्दगी, सपना र आशा पनि चुँड्याएको थियो । भूकम्प गएको दशक पूरा भइसक्यो । तर, अझै पनि राजधानीका गल्लीहरूदेखि पहाडका पाखासम्म अधुरा घर र अधुरो आशाले बाँचेका अनुहार देख्न सकिन्छ ।

टोकियो - जापानको ओसाका सहरमा अघिल्लो सातादेखि विश्व कुम्भमेला अर्थात ओसाका खान्साई एक्स्पो सुरु भएको छ । विश्वका १ सय ५८ राष्ट्रको सहभागिता रहेको विश्व कुम्भमेला गतसाता देखि सुरु भई आगामी अक्टुबर १२ अर्थात ६ महिनासम्म चल्ने छ ।

टोकियो - जापानमा नेपाल हाउस निर्माण हुने भएको छ । एनआरएन जापानको अगुवाईमा नेपाल हाउस निर्माण हुने भएको हो । नेपाल हाउस निर्माण गर्ने महत्वाकाँक्षी प्रोजेक्टका लागि भन्दै गत वर्ष आयोजना गरिएको १४ औं नेपाल फेस्टिवलबाट ८३ लाख ८२ हजार ८ सय ११ येन बचत भएको एनआरएन जापानले जनाएको छ ।