समाचार सुन्नुहोस :
काठमाडौँ – नेपाली बजारमा सोमबार सुन र चाँदीको मूल्यमा गिरावट आएको छ। नेपाल सुनचाँदी रत्न तथा आभूषण महासंघका अनुसार आइतबारको तुलनामा छापावाला सुनको मूल्य प्रतितोला ९०० रुपैयाँले घटेर २ लाख ८९ हजार ४०० रुपैयाँ कायम भएको छ। आइतबार सुन प्रतितोला २ लाख ९० हजार ३०० रुपैयाँमा कारोबार भएको थियो।
यस्तै, चाँदीको मूल्य पनि प्रतितोला २५ रुपैयाँले घटेको छ। आइतबार ४ हजार ६०५ रुपैयाँ रहेको असली चाँदीको मूल्य सोमबार ४ हजार ५८० रुपैयाँ कायम भएको महासंघले जनाएको छ।
