समाचार सुन्नुहोस :
काठमाडौँ – अमेरिका र वेस्ट इन्डिजको संयुक्त आयोजनामा भइरहेको टी-२० विश्वकप क्रिकेटको सुपर आठ चरण पूरा भएको छ। समूह चरणका खेलहरु मंगलबार बिहान सकिने भए पनि सुपर आठ प्रवेश गर्ने टिमहरुको भने टुंगो लागिसकेको छ । सुपर आठमा पुग्ने टिमहरूमा भारत, अफगानिस्तान, बंगलादेश, अस्ट्रेलिया, अमेरिका, इङ्गल्याण्ड, वेस्ट इन्डिज, र दक्षिण अफ्रिका रहेका छन्।
सुपर आठको समूह १ मा भारत, अस्ट्रेलिया, अफगानिस्तान, र बंगलादेश छन् भने समूह २ मा अमेरिका, इङ्गल्याण्ड, वेस्ट इन्डिज, र दक्षिण अफ्रिका छन्। सुपर आठमा रहेका देशहरूले एक-अर्कासँग एक-एक खेल खेलेपछि, शीर्ष दुई देशहरू सेमिफाइनलमा प्रवेश गर्नेछन्। सुपर आठका खेलहरू बुधबारदेखि सुरु हुनेछन्। बुधबारको पहिलो खेलमा दक्षिण अफ्रिका र अमेरिका भिड्नेछन्।
यो विश्वकपबाट नेपाल भने समूह चरणमै बाहिरिएको छ। नेपालले केवल १ अंक मात्र बटुल्न सफल भयो। यद्यपि, नेपालले दक्षिण अफ्रिका र बंगलादेशविरुद्ध उत्कृष्ट बलिङ प्रदर्शन गरेर प्रशंसा बटुलेको छ।
