टोकियो – आज टोकियोमा रहेका २३ वटा वार्ड मध्यको ओता कु (वार्ड) ले आयोजना गरेको युनिभर्सल ओता फेष्टिबल धुमधामकासाथ चलिरहेको थाहा भएको छ ।
सो क्षेत्रमा रहेका बिदेशीहरुसंगको घुलमिल बढाई आपसी कला, सँस्कृति एवं सहयोग आदान प्रदानलाई बिस्तार गर्ने उद्देश्यले ओता कु ले हरेक बर्ष आयोजना गर्दै आएको युनिभर्सल फेष्टिबल यो बर्ष पाँचौ चोटी हुन लागेको हो । सो फेष्टिबलमा अन्य मुलुकलगायत नेपालीहरुको उत्साहजनक सहभागिता रहेको छ ।
बिभिन्न देशका कला, सँस्कृति, खानपान, भेषभुषा जस्ता चिनारी झल्काउने स्टलहरु, खेलकुद तथा मनोरञ्जनात्मक साँस्कृतिक कार्यक्रम जस्ता आकर्षणहरु फेष्टिबलमा रहेका छन् । फेष्टिबल हानेडा एअरपोर्ट नजिकै पर्ने ओता स्टेडियममा भईरहेको फेटिबल स्थलबाट आयोजक कमिटीका डा. कोबायासीले बताए । जेआर केइहिन तोहोकु लाईनको ओमोरी स्टेशनबाट ९ नंबरको बसमा सो फेष्टिबलस्थल पुग्न सकिने बताईएको छ । ***
