काठमाडौं – नेपाल राष्ट्र बैंकले आज बिहीबारका लागि सार्वजनिक गरेको विदेशी विनिमय दरअनुसार जापानी मुद्रा ‘येन’ को भाउमा सामान्य संकुचन देखिएको छ । पछिल्लो समय उतारचढावपूर्ण रहेको येनको मूल्य आज प्रति १० इकाइको बिक्री दर ९ रुपैयाँ ६२ पैसा कायम भएको छ ।
राष्ट्र बैंकको पछिल्लो विनिमय दरअनुसार आज १० जापानी येनको खरिद दर ९ रुपैयाँ ५९ पैसा र बिक्री दर ९ रुपैयाँ ६२ पैसा रहेको छ । अघिल्लो दिनको तुलनामा येनको भाउमा प्रति १० इकाइ २ पैसाको गिरावट आएको हो ।
येनको भाउमा सामान्य गिरावट देखिए पनि अमेरिकी डलर र अन्य प्रमुख मुद्राहरूको मूल्य भने अझै उच्च विन्दुमै अडिएका छन् । १ अमेरिकी डलरको खरिद दर १५२.८१ रुपैयाँ र बिक्री दर १५३.४१ रुपैयाँ कायम भएको छ । नेपाली बजारमा उपलब्ध मुद्राहरूमध्ये सबैभन्दा महँगो कुवेती दिनारको बिक्री दर आज ५०० रुपैयाँ २० पैसा रहेको छ । युरोपियन युरोको बिक्री दर १७८.५४ रुपैयाँ र बेलायती पाउन्ड स्टर्लिङको बिक्री दर २०६.१२ रुपैयाँ कायम भएको छ ।
खाडी मुलुकमा कार्यरत नेपाली श्रमिकहरूका लागि आजको विनिमय दर यस प्रकार छ:-
- कतारी रियाल: ४२ रुपैयाँ १० पैसा
- युएई दिराम: ४१ रुपैयाँ ७७ पैसा
- साउदी रियाल: ४० रुपैयाँ ८८ पैसा
- मलेसियन रिंगिट: ३८ रुपैयाँ ६९ पैसा
- ओमानी रियाल: ३९८ रुपैयाँ ४६ पैसा
- बहराइन दिनार: ४०६ रुपैयाँ ९२ पैसा
यसैगरी, क्यानेडियन डलरको बिक्री दर ११०.८६ रुपैयाँ र अस्ट्रेलियन डलरको १०९.४० रुपैयाँ कायम भएको छ । दक्षिण कोरियाली वन १०० को विनिमय दर १० रुपैयाँ २४ पैसा रहेको छ ।
नेपाल राष्ट्र बैंकले भारतीय रुपैयाँ (भारु) सँगको विनिमय दरलाई भने साविक बमोजिम नै प्रति १०० भारुको खरिद १६०.०० र बिक्री १६०.१५ रुपैयाँमा स्थिर राखेको छ । राष्ट्र बैंकले तोकेको यो दर सन्दर्भ दर मात्र भएकाले खुल्ला बजारमा बैंक तथा वित्तीय संस्थाहरूले तोक्ने विनिमय दरमा भने केही सामान्य अन्तर हुन सक्ने बैंकले स्पष्ट पारेको छ ।
