समाचार सुन्नुहोस :
काठमाडौँ – चितवनको मुग्लिन–नारायणगढ सडकखण्डअन्तर्गत गाईघाट क्षेत्रमा आज बिहान सात वटा सवारी साधन आपसमा ठोक्किएका छन्। जिल्ला प्रहरी कार्यालय चितवनका अनुसार बस र ट्रकसहित सात वटा गाडी दुर्घटनामा परेका हुन्। दुर्घटनामा परेका चालक घाइते भएका छन् र उनीहरूको भरतपुरमा उपचार भइरहेको प्रहरीले जनाएको छ।
प्रारम्भिक जानकारीअनुसार, एक ट्रकले यात्रुवाहक बसलाई ठक्कर दिँदा पछिपछि रहेका अन्य सवारी पनि आपसमा ठोक्किएका हुन्। दुर्घटनाबारे थप अनुसन्धान भइरहेको प्रहरीले जनाएको छ।
