काठमाडौं - नेपालमा संघीय लोकतान्त्रिक गणतन्त्र स्थापना भएको १७ वर्ष पूरा भएको छ । यो अवधिमा मुलुकले ऐतिहासिक राजनीतिक परिवर्तनहरू अनुभव गरे पनि गणतन्त्रको संस्थागत विकास र आम नागरिकको जीवनस्तरमा अपेक्षित सुधार आउन नसक्दा व्यवस्थामाथि नै विभिन्न कोणबाट प्रश्नहरू उठ्न थालेका छन् । विशेषगरी, गणतन्त्र दिवसकै दिन राजावादी शक्तिहरूले यो व्यवस्थाविरुद्ध खुलेरै 'धावा' बोल्दै आन्दोलनको घोषणा गर्नुले गणतन्त्रको भविष्य थप चुनौतीपूर्ण बन्दै गएको संकेत गर्दछ ।

टोकियो - जापानमा चामलको मूल्य अत्यधिक वृद्धि भएपछि सरकारले मूल्य नियन्त्रणका लागि सञ्चित गरिएको चामल न्यून मूल्यमा ग्रामीण क्षेत्रका उपभोक्तासम्म पुर्‍याउने प्रतिबद्धता जनाएको छ । सन् २०२१ को सञ्चित चामल प्रति ५ किलोग्राम करिब १,८०० येन (१३ अमेरिकी डलर) मा बिक्री हुने सम्भावना छ, जुन हालको औसत खुद्रा मूल्यभन्दा आधाभन्दा बढीले कम हो ।

रोजगारीका लागि आकर्षक गन्तब्य मानिने जापानले नेपाली श्रमिकलाई स्वागत गर्न आतुर छ र त्यसका लागि आफ्नो तर्फबाट सबै प्रक्रिया पनि पूरा गरिसकेको अवस्था छ । जापानले नेपाली श्रमिकहरु सरकारी तवरबाटै जापान आऊन् भन्ने चाहना राखेको पाईन्छ । तर जुन देशका नागरिकलाई रोजगारी चाहिएको हो, त्यही देशले भने उक्त विषयलाई त्यति महत्व नदिएको जस्तो देखिन्छ । नेपाल सरकारले संस्थागत रूपमा जापानमा नेपाली पठाउने बाटो खुल्ला गरेको छैन । सरकारले एक सयभन्दा बढी देशमा रोजगारीका लागि नेपालीहरु जान सक्ने गरी संस्थागत अनुमतिको बाटो खुला गरेको भएता पनि जापानका लागि भने संस्थागत बाटो खुल्ला गरेको छैन ।