टोकियो – कोलम्बियालाई पेनाल्टी सुटआउटमा ४-३ ले पराजित गर्दै स्विट्जरल्यान्ड फिफा विश्वकप २०२६ को क्वार्टरफाइनलमा प्रवेश गरेको छ । क्यानाडाको भ्यान्कुभरमा बुधबार भएको अन्तिम १६ को रोमाञ्चक खेलमा निर्धारित र अतिरिक्त समय गोलरहित बराबरीमा सकिएपछि खेलको निर्णय टाइब्रेकरबाट लिइएको हो ।
स्विट्जरल्यान्डको जितमा ग्रेनिट जाका, जेकी आामडोनी, सेडरिक इटेन र रुबेन भारगासले पेनाल्टीमा गोल गरे । स्विस गोलरक्षक ग्रेगर कोबेलले कोलम्बियाको एक प्रहार बचाएर टोलीको जित सुनिश्चित गरे । कोलम्बियाका डाभिनसन सान्चेज र कुचो हर्नान्डेज पेनाल्टीमा चुक्दा टोली प्रतियोगिताबाट बाहिरिनु पर्यो ।
क्वार्टरफाइनल समीकरण पूरा
यो खेलसँगै विश्वकप २०२६ को अन्तिम १६ का सबै खेल समाप्त भई क्वार्टरफाइनलको समीकरण तयार भएको छ । अब सेमिफाइनल प्रवेशका लागि यस्ता भिडन्त हुनेछन्:
- अर्जेन्टिना विरुद्ध स्विट्जरल्यान्ड
- नर्वे विरुद्ध इंग्ल्यान्ड
- स्पेन विरुद्ध बेल्जियम
- फ्रान्स विरुद्ध मोरक्को
अबको यात्रामा साविक विजेता अर्जेन्टिनाले स्विट्जरल्यान्डको कठिन चुनौती सामना गर्नेछ भने ब्राजिल र पोर्चुगल जस्ता ठूला टोली बाहिरिसकेको अवस्थामा अन्य खेलहरू पनि निकै प्रतिक्षित बनेका छन् ।
