काठमाडौँ – स्वास्थ्य तथा जनसंख्या मन्त्रालयले सरकारी अस्पतालहरूमा पनि हप्तामा दुई दिन बिदा लागू गर्ने निर्णय गरेको छ। मन्त्रिपरिषद्को निर्णयअनुसार अब शनिबार र आइतबार सार्वजनिक बिदा हुनेछन्। यस व्यवस्थासँगै बिदाका दिन अस्पतालको बहिरंग (ओपिडी) सेवा बन्द रहनेछ। तर आकस्मिक र अत्यावश्यक सेवा भने २४ घण्टा निरन्तर सञ्चालनमा रहने मन्त्रालयले स्पष्ट पारेको छ।
स्वास्थ्य सेवामा असर नपरोस् भन्ने उद्देश्यले अस्पतालहरूलाई आवश्यक तयारी गर्न निर्देशन दिइएको छ। बिरामीलाई समस्या परेमा नजिकका उपयुक्त अस्पतालमा रेफर गर्ने र एम्बुलेन्स सेवा तयारी अवस्थामा राख्न पनि भनिएको छ। यसका साथै अस्पतालहरूले आफ्ना सेवा सम्बन्धी जानकारी वेबसाइट तथा सूचना प्रणालीमार्फत सार्वजनिक गर्नुपर्नेछ।
मन्त्रालयले आगामी दिनमा स्वास्थ्य सेवा अझ व्यवस्थित र प्रभावकारी बनाउने प्रतिबद्धता समेत जनाएको छ।
