किशुनजीको गाडी कपालीले फिर्ता गरिनन्

काठमाडौं– सर्वोच्च अदालतको आदेशपछि सवै विशिष्ट व्यक्तिहरुले सरकारी सवारी फिर्ता गरे पनि पूर्वप्रधानमन्त्री कृष्णप्रसाद भट्टराई (किशुनजी)को सवारी फिर्ता भएको छैन ।

भट्टराईकी सहयोगी अमिता कपालीले आफूले चढेको गाडी ‘कृष्णप्रसाद भट्टराई ट्रष्ट’मा राखिएकाले फिर्ता नगर्ने बताउँदै आएकी छन् । विद्युत प्राधिकरणको बा १ झ ७७२१ नम्वरको गाडी कपालीले कब्जा गरेकी हुन् ।

गृहमन्त्रालयका अनुसार भट्टराईबाहेक एमाले महासचिव एवं पूर्व आपूर्ति मन्त्री ईश्वर पोखरेल र नेकपा संस्थापक नरबहादुर कर्माचार्यले गाडी फिर्ता गरेका छैनन् । पोखरेलका स्वकीय सचिव दिपेन्द्र श्रेष्ठले भने पोखरेलले सरकारी गाडी प्रयोग नगरेको दाबी गरे । उनले भने– ‘पार्टीले दिएको गाडीमात्रै उहाँसँग छ ।’