काठमाडौं- जापान पठाउन भन्दै म्यानपावर कम्पनीहरुले दुई वर्षदेखि पैसा उठाए पनि कामदार पठाएका छैनन् ।
अधिकांश म्यानपावर कम्पनीले माग ल्याएकै भरमा कामदारवाट रकम असुलिसकेको वैदेशिक रोजगार प्रबर्द्धन बोर्डले जनाएको छ ।
प्रशिक्षार्थी कामदार पठाउन अनुमति पाएकामध्ये ७४ कम्पनीले १ हजार ३ सय ३१ कामदारको माग ल्याएका छन् । तर, माग ल्याएकामध्ये १३ कम्पनीले अहिलेसम्म १ सय ४८ जना कामदारमात्र पठाएको 
बोर्डले जनाएको छ ।
बोर्डले जनाएको छ ।नेपाल वैदेशिक रोजगार व्यवसायी संघका महासचिव कुमुद खनालले समेत केही म्यानपावर कम्पनीले रकम उठाएको स्वीकार गरे । उनले उठाएको पैसा होल्ड गरेकोबारे व्यवसायीसँग छलफल गर्ने जानकारी दिए ।
विभागका अनुसार म्यानपावर कम्पनीले माग ल्याएका १ हजार १ सय ८३ कामदार अझै जापान जान पाएका छैनन् । स्रोतका अनुसार कामदारको माग ल्याएका अधिकांश कम्पनीले कामदारवाट २ देखि ८ लाख रुपैयाँसम्म रकम असुलेका छन् ।
बैदेशिक रोजगार ऐनअनुसार कामदारवाट रकम उठाएको तीन महिनाभित्र नपठाए म्यानपावर कम्पनी खारेजसम्म हुन सक्छ । वैदेशिक रोजगार विभागका निर्देशक काशिराज दाहालले रकम उठाएको तीन महिनाभित्र कामदारलाई पठाउन नसके कारबाही गर्ने चेतावनी दिए ।
