जापानी राजदूत मेएडा टोरूले गरे केएनपी कारखानाको अवलोकन

समाचार सुन्नुहोस : 

काठमाडौँ – नेपालका लागि जापानी राजदूत मेएडा टोरूले वीरगन्ज महानगरपालिकामा सञ्चालित केएनपी जापान कारखानाको अवलोकन गरेका छन्। कारखानाका निर्देशक अशोककुमार वैद्य र प्रबन्धक प्रवीण जाधवले राजदूतलाई स्वागत गर्दै उद्योगको गतिविधिहरूबारे जानकारी दिए।

यो कारखाना जापान, नेपाल र भारतको संयुक्त लगानीमा सञ्चालित छ। राजदूत टोरूले यसको कार्यप्रणाली र गुणस्तरप्रति सन्तुष्टि व्यक्त गर्दै यस्ता साझेदारीले द्विपक्षीय सम्बन्ध मजबुत बनाउने बताए। उनले नेपालमा बहुराष्ट्रिय लगानी बढाउन अस्वस्थकर समस्याहरू समाधान गर्न सरकारलाई तदारुक भएर काम गर्न आग्रह गरे।

यसअघि पनि केएनपी जापानको अन्य जापानी राजदूतहरूले भ्रमण गरेका थिए। राजदूत टोरूले नेपालमा जापानी लगानी बढ्ने सम्भावना रहेको पनि बताएका छन्।