सुनको मूल्यले बनायो नयाँ ऐतिहासिक रेकर्ड, तोलाको कति पुग्यो?

समाचार सुन्नुहोस : 

काठमाडौँ – नेपालमा सुनको मुल्यले नयाँ रेकर्ड बनाएको छ। नेपाल सुनचाँदी व्यवसायी महासङ्घका अनुसार, बुधबार छापावाल सुनको मूल्य तोलामा २ हजार ७०० रुपैयाँले बढ्दै एक लाख ८७ हजार रुपैयाँमा पुगेको छ। यो नेपाली बजारमा हालसम्मकै उच्च मुल्य हो। मंगलबार यो मूल्य तोलाको एक लाख ८४ हजार ३०० रुपैयाँ थियो।

चाँदीको मूल्य पनि उकालो लाग्दै बुधबार तोलामा १५ रुपैयाँले वृद्धि भई एक हजार ९५५ रुपैयाँमा कारोबार भएको छ। महासङ्घका पूर्वअध्यक्ष माणिक रत्न शाक्यका अनुसार, अन्तर्राष्ट्रिय बजारमा सुनको मूल्यमा लगातार भइरहेको वृद्धिका कारण नेपाली बजारमा पनि यसको प्रभाव देखिएको हो। परिणामस्वरूप, सुनको मूल्य दिनप्रतिदिन नयाँ उचाइमा पुगिरहेको छ।