टोकियो – जापानमा बसोबास गर्ने नेपाली आदिवासी जनजातिहरूको सांस्कृतिक विविधता र मौलिकतालाई उजागर गर्न ‘नेफिन सांस्कृतिक महोत्सव २०२५’ आयोजना हुँदैछ । ‘नेपाल आदिवासी जनजाति महासंघ, जापान’ को आयोजनामा यहि अप्रिल १९ तारिख शनिबारका दिन टोकियोस्थित मेगुरो कुमिन सेन्टरमा महोत्सव हुने भएका हो ।
‘नेफिन सांस्कृतिक महोत्सव’मा आदिवासी जनजातिहरूका झाँकीहरू, मौलिक संस्कृति, पोशाक र परम्परागत नृत्य तथा गीतहरूको आकर्षक प्रस्तुति रहने जनाइएको छ । कार्यक्रममा नेपालका चर्चित गायिका मेचु धिमाल, गायक मिलन लामा, र गायिका बबीना किराती (राई) को विशेष प्रस्तुति रहनेछ । साथै अन्य स्थानीय कलाकारहरूको पनि प्रस्तुति रहने नेपाल आदिवासी जनजाति महासंघ, जापानले जनाएको छ ।
सांस्कृतिक महोत्सवमा टोकियोस्थित नेपाली दूतावासको विशेष सहयोग तथा एनआरएनए जापानको समर्थन रहेको छ । कार्यक्रम साझेदारीमा हिकारी कम्पनी लिमिटेडका अध्यक्ष निमा लामा शेर्पा, मुख्य प्रायोजक एनआरएनए आईसीसी उपाध्यक्ष रोबिन श्रेष्ठ र जापान मनि एक्सप्रेस (JME) अफिसियल प्रायोजक रहेकाे छ ।
कार्यक्रम साँझ ४ बजेदेखि Meguro Kumin Center, Tokyo मा सुरु हुनेछ । मौलिक संस्कृतिलाई सम्मान गर्दै भावी पुस्तालाई परिचय गराउनु कार्यक्रमको मुख्य उदेश्य हो । जापानभरि रहेका सम्पूर्ण नेपाली समुदायलाई उपस्थितिको लागि हार्दिक निमन्त्रणा गरिएको छ ।
