काठमाडौँ – बंगलादेशको राजधानी ढाकामा आतंकवादी आक्रमण भएको छ । आतंकवादीहरुले केही मानिसलाई बन्धकसमेत बनाएको अन्तर्राष्ट्रिय सञ्चारमाध्यमहरुले जनाएका छन् । 
ढाका स्थित कुतिनितिक नियोगहरु नजिक रहेको ‘होली आरटीसन बेकरी क्याफे’मा ९ः२० बजे मा प्रवेश गरी मानिसहरुलाई नियन्त्रणमा लिएका हुन । सञ्चारमाध्यमहरुका अनुसार ४० जना विदेशीलाई बन्धक बनाइएको हो ।
उक्त घटनामा आफ्ना सात जना नागरिक परेको इटलीले जनाएको छ । पाँच जना जापानी नागरिक पनि परेको सञ्चारमाध्यमहरुले जनाएका छन् । भित्र फसेका व्यक्तिहरुलाई सुरक्षित निकाल्ने प्रयास भइरहेको बंग्लादेशी विशेष प्रहरी फोर्सले जनाएको छ ।
गोली हानाहान हुँदा दुई प्रहरी मारिएको र ३० जना घाइते भएको खबर छ । ८/९ जनाको संख्यामा रहेकोहरुले गराएको घटनाको जिम्मेवारी आफूलाई इस्लामिक स्टेट दावी गर्नेले लिएको बताइएको छ ।–एजेन्सी
