पाइलटको पनि नक्कली प्रमाणपत्र, पक्राउ पर्ने डरले धमाधम राजीनामा

काठमाडौँ – एक नक्कली पाइलटलाई पक्राउ गर्दै प्रहरीले नक्कली प्रमाणपत्रको छानविन बढाएपछि विभिन्न एयर लाइन्स कम्पनीमा कार्यरत पाइलटहरुले धमाधम राजीनामा दिन थालेका छन् ।

दुई महिनामा २२ जना पाइलटले राजीनामा दिएको आजको नयाँ पत्रिका दैनिकमा खबर छ । प्रहरीको केन्द्रीय अनुसन्धान व्युरो सिआईबीले गोमा एयरका को–पाइलट विशाल कार्कीलाई पक्राउ गरेको थियो । आइएस्सी फेल भएपछि उनले अमृत साइन्स क्यापसबाट नक्कली सर्टिफिकेट बनाएर पाइलट पढेका थिए ।

कार्की पक्राउ पछि अन्य पाइलटहरुले पनि धमाधम राजीनामा दिन थालेको सिआबीका निर्देशनक डिआइजी नवराज सिलबालले बताउनुभयो । चिकित्सा क्षेत्रमा आइएस्सीको नक्कली शैक्षिक प्रमाणपत्रका आधारमा एमबिबिएस पढेजस्तै पाइलट पेसामा पनि त्यस्तै प्रवृत्ति देखिएको छ ।