पार्टी सभापति देउवा असफल : पौडेल

काठमाडौँ – नेपाली काँग्रेसमा वरिष्ठ नेता रामचन्द्र पौडेलले पार्टी सभापति शेरबहादुर देउवा असफल हुँदै गएको दाबी गर्नुभएको छ ।

बुधवार हेटौंडामा पार्टीको मकवानपुर तीन नम्बर क्षेत्रस्तरीय कार्यकर्ता प्रशिक्षणमा बोल्दै उनले पार्टीको नेतृत्व लिनु मात्र ठुलो कुरा नभएको बताउनुभएको आजको अन्नपूर्ण पोस्टमा खबर छ ।

जनतामा पार्टी नेतृत्व स्थापित हुन नसकेको आरोप लगाउँदै पौडेलले भन्नुभयो,‘ कर्मचारीको निर्वाचनमा हार व्यहोर्नुपर्याे, अब आने निर्वाचनहरुका लागि पनि यो राम्रो सङ्केत होइन ।’ सिद्धान्तले जित्दै गए पनि काँग्रेसले भने जित्न नसकेको उहाँको भनाइ छ ।