चिलीलाई हराउँदै अर्जेन्टिनाको विजयी सुरुवात

काठमाडौँ – डिफेन्डिङ च्याम्पियन चिलीलाई हराउँदै अर्जेन्टिनाले कोपा अमेरिका फुटबलमा विजयी सुरुवात गरेको छ ।

स्टार खेलाडी लियोनल मेसी र सर्जियो अग्युरो बिना मैदान उत्रिएको अर्जेन्टिनाले चिलीलाई २–१ गोल अन्तरले पराजित गर्दै सुखद सुरुवात गरेको हो । जितसँगै अघिल्लो संस्करणका फाइनलमा चिलीसँग व्यहोरेको हारको बदला पनि अर्जेन्टिनाले लिएको छ । पहिलो हाफ गोलरहित बराबरीमा सकिएपनि खेलको ५१ औं मिनेटमा एन्जल डि मारियाले गोल गर्दै अर्जेन्टिनालाई सुरुवाती अग्रता दिलाए ।

खेलको ५९ औँ मिनेटमा एभर बेनेगाले गोल गर्दै अर्जेन्टिनाको अग्रता दोब्बर पारे । खेलको इन्जुरी समयमा चिलीका लागि जोसे पेड्रोले सान्तोना गोल फर्काएपनि अर्जेन्टिना २–१ ले विजयी भयो ।